அன்புடன்

நியூயார்க் : அமெரிக்க விஞ்ஞானிகள் மிளகு மற்றும் குடைமிளகாயிலிருந்து புதிய மாத்திரை ஒன்றைத் தயாரித்துள்ளனர். இது உடல் எடையைக் குறைக்க பெரிதும் உதவுகிறது. இப்பொழுது இந்த மாத்திரையை ஹாலிவுட் நட்சத்திரங்கள் பயன்படுத்தி வருகின்றனர். அந்த மாத்திரையின் பெயர் கேப்சிபிளெக்ஸ்.

ஊசி மிளகாய், குடைமிளகாய், மிளகு ஆகியவை உடலில் சர்க்கரை சத்தை அழிப்பதில் பெரிதும் உதவுகின்றன. இதே உத்தியைப் பயன்படுத்தி உடலின் பருமனைக் குறைக்க முடியும்.

ஆனால் இவற்றைப் பயன்படுத்துவதில் ஒரு பெரிய சிக்கல் இருந்தது. உடலில் உள்ள சர்க்கரை சத்தை அழிக்க இவற்றை பெருமளவில் பயன்படுத்தும் பொழுது, கடுமையான காரம் காரணமாக இவை குடல் இரைப்பையை  அரித்து பெரும் புண்களை உண்டாக்கி விடுகின்றன. அதனால் அவற்றை பயன்படுத்த முடியாத நிலை இருந்தது. இந்தச் சிக்கலுக்கு விஞ்ஞானிகள் முற்றுப்புள்ளி வைத்துள்ளனர்.

குடல், இரைப்பையில் அரிப்பை ஏற்படுத்தும் பொருளை சுற்றி திரை போலச் சூழ்ந்து கொள்ளும் புதிய பொருள் ஒன்றை கண்டுபிடித்தனர். அந்த பொருளால் குடல், இரைப்பையில் அரிப்பு, புண் ஏற்படுவது தவிர்க்கப்பட்டது. இப்பொழுது எந்தச் சிக்கலும் இல்லாமல் மிளகாய் மற்றும் மிளகிலிருந்து பிரித்தெடுக்கப்பட்ட பொருளை கூடுதலான அளவில் பயன்படுத்த முடிந்தது. அப்படிப் பிறந்ததுதான் கேப்சிபிளெக்ஸ்.
இந்த மாத்திரையை அமெரிக்காவின் ஆக்லஹாமா பல்கலைக்கழகம் சோதனை முறையில் பயன்படுத்தி வெற்றி கண்டது. அப்பொழுது ஒரு மாத்திரை 278 கலோரியைத் தரும் குளுகோஸை அழிப்பதை உறுதி செய்தனர்.

80 நிமிடம் வாக்கிங் சென்றால் அல்லது 25 நிமிட ஓட்ட நடையால் எவ்வளவு குளுகோஸை எரிக்க முடியுமோ அவ்வளவு குளுகோஸை காலி செய்யும் திறன் உடையது இந்த மாத்திரை என்பதை நிரூபித்தனர். 
அமெரிக்க மக்கள் இந்த மாத்திரையைப் பயன்படுத்த ஆரம்பித்துவிட்டனர். 
எப்போதும் உடலைச் சிக்கென்று வைத்திருக்க பாடுபடும் ஹாலிவுட் நட்சத்திரங்கள் இந்த மாத்திரையை விடுவார்களா? ஜெனிபர் லோபஸ், பிராட் பிட், பிரிட்னி ஸ்பியர்ஸ் ஆகியோர் இந்த மாத்திரையின் நிரந்தர வாடிக்கையாளர்கள்.
கலோரியைக் குறைத்து, உடலை சிக்கென்று வைத்துக் கொள்ள உதவும் கேப்சிபிளெக்ஸ் மாத்திரை ஆபத்தில்லாதது. பாதுகாப்பானது. 
ஆரோக்கியத்துக்கான துணைப்பொருளாகப் பயன்படுகிறது என அமெரிக்க விஞ்ஞானிகள் கூறுகின்றனர்.

http://www.dinakaran.com/worlddetail.aspx?id=3028

~காமேஷ்~


இனி குண்டாவோம் என்ற கவலை வேண்டாம் ஒரு நாளைக்கு 3 கேப்சிபிளெக்ஸ் சாப்பிட்டா போதும்.

--
அன்புடன் - உலகின் முதல்
யுனித்தமிழ்க் குழுமம்
buhari.googlepages.com/anbudan.html